Ёшларнинг ўй-хаёллари, уларнинг орзу-ҳавасларини билиш, уларни қийнаётган муаммоларни теран англаш ва ўз вақтида ҳал этиш чораларини кўриш уларнинг келажакка бўлган ишончининг кескин ошишига хизмат қилади. Аслида ёшларга оид давлат сиёсатининг моҳиятида ҳам айнан шу мақсадлар ётади. Ёшларнинг муаммоларини ўрганиш ва ҳал этишнинг энг самарали усули эса бевосита улар билан учрашувлар ташкил этиш, уларнинг фикрига қулоқ тутиш саналади.
Айнан шу мақсад йўлида 2024 йил 12 январь куни Ўзбекистон Касаба уюшмалари Федерацияси Меҳнат ва ижтимоий муносабатлар Академияси ректори Сайфулло Ахмедов талабалар билан учрашди. Учрашув жараёнида талабалар кўзга ташланаётган айрим муаммолар, Академияда таълим сифатпни ошириш ва талабаларнинг бўш вақтларини мазмунли ташкил этиш борасидаги таклифларини ўртага ташлашди. Жумладан, фанлар бўйича ўқув лабораторияларини ташкил этиш ва жиҳозлаш, қўшимча фанлар бўйича тўгараклар ва хорижий тил курслари фаолиятини йўлга қўйиш, ахборот ресрум маркази китоб фондини бойитиш, талабаларнинг спорт билан шуғулланишлари учун қўшимча имкониятлар яратиш ва бошқа таклифлар шулар сирасига киради.
Учрашувда ўртага ташланган муаммоларни ҳал этиш, билдирилган ташаббусларни амалга ошириш бўйича тегишли кўрсатмалар берилди ва чора-тадбирлар дастури ишлаб чиқилди.
